Rrugët e Tiranës janë përgjakur mbrëmjen e kaluar ku dy persona kanë humbur jetën si pasojë e aksidenteve.
Sipas policisë së Tiranës një prej aksidenteve ka ndodhur në rrugën “Asim Vokshi”, ku një 41-vjeçar është përplasur për vdekje nga një mjet.
“Specialistët e Sektorit të Policisë Rrugore në DVP Tiranë, arrestuan në flagrancë shtetasit E.,Q, 22 vjeç banues në Tiranë, dhe G.,B., 41 vjeç banues në Tiranë. Arrestimi i shtetasit E.,Q u bë pasi duke drejtuar mjetin tip “Volsvvagen”, në rrugën “Asim Vokshi”, ka aksidentuar shtetasin S.,SH ku si pasojë ka ndërruar jetë në spital”, thotë policia.
Ndërkohë një 60-vjeçar ka ndërruar jetë në një tjetër aksident në rrugën e “Dibrës”, ku drejtuesi i mjetit ka qenë në gjendje të dehur.
“Ndërsa shtetasi G.,B duke drejtuar mjetin tip “Benz” në gjëndje të dehur në rrugën e “Dibrës” ka aksidentuar po me pasojë vdekje shtetasin G., M Materialet i kaluan Prokurorisë Pranë Gjykatës Shkallës së Parë Tiranë, për veprat penale ” Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”, thotë policia.
