I pyetur nga mediat nëse do të rikthehet sërish në politikë pasi drejtësia të thotë fjalën e fundit, ish ministri i Brendshëm Saimir Tahiri tha se kryesore për të është ti shkojë drejtësisë deri në fund, pasi rikthimi në politike është vetëm në dorë të tij dhe të askujt tjetër.
“Çdo bëj unë me karrierën time, nuk e ka as partia dhe as seksione brenda kësaj partie, e kam vetëm unë. Më lini t’i shkoj deri në fund kësaj historie, më e rëndësishme për mua është historia e jetës sime të bëj drejtësi e të shkoj deri në fund. Të jeni të bindur nuk e ka askush në dorë përvec meje”, tha Tahiri.
Kurban nuk do të thotë të shkosh në burg tha Tahiri, por ata që janë jashtë e brenda politikës, që nuk flasin dot pa i thënë se çfarë duhet të flasin.
Ndërsa i pyetur lidhur me akuzat e opozitës se ka “në dorë” kryeministrin, Tahiri tha se është fyese që ka dy vjet që mendohet një gjë e tillë.
“A thua se unë në 4 vjet kam punuar për t’ia futur tjetërit dhe jo detyrën. Nuk hyj te njerëzit se mbajnë letrën në xhep për të kërcënuar, është fyese që mendoni se po çaj drejt të vëtetës duke kërcënuar njerëz. E kanë bërë kaq baltë sa të jenë të kërcënueshëm? Unë mendoj që herë tjetër kërkoni t’i verifikoni. E dyta, e thonë se e kanë bërë vetë. E dini ju shantazhin që i bën gjyqtarëve e prokurorëe e kanë bërë vetë prandj mendoj se e bëj dh unë. Po do i shkoj vetëm me drejtësinë time”, tha Tahiri.
