Ish-koordinatori i Bindjes Demokratike, Astrit Patozi, duke folur për situatën aktuale brenda kampit blu, u ndal edhe te dorëheqja e Lulzim Basha në krye të Partisë Demokratike.
I pyetur nga gazetarja Juli Xhokaxhi nëse beson se do të ketë një rikthim të Bashës në krye të PD-së, ai u përgjigj se ish-kryedemokrati “nuk ka se si të vijë nëse askush nuk ia hap derën”.
“Rikthimet politike nuk janë çështje e firmës janë çështje realitetesh. Në rast se Bashën do ta presin me krahë hapur ai do kthehet, në rast se nuk ia hap kush derën, nuk ka si vjen. Nuk është çështje firme”, theksoi Patozi.