Mjeku Ilir Alimehmeti, kandidati i Partisë Demokratike për primaret e bashkisë së Tiranës është shprehur se nëse ai do të votëvesohet për të qenë qytetari i parë i kryeqytetit objektivi i tij do të jetë puna për qytetin dhe jo karriera e tij politike. Ai tha se do të punojë me ndershmëri dhe do të jetë aty për punë dhe jo për ta përdorur bashkinë si një trampolinë për në nivele më të larta.
“Është shumë e thjeshtë, duhet të ndërrojmë model, duhet të sjellim një model ndershëmërie dhe transparenc, duhet të shkojmë tek puna. Duhet të kemi një model që shkon aty për të punuar për qytetin dhe jo për karrierë politike. E sheh bashkinë e Tiranës si një trampolinë për nivele më të larta. Si qytetar i Tiranës e kam ndjerë veten gjithmonë të shkelur nga ky drejtim, pra dikush zgjidhet me votat tona dhe na përdor për të nghjitur një shkallë më të lartë. Ky është një mendim që më bën të ndihem keq si qytetar. Vitet e fundit ka ndodhur më shpejt”, tha ai.