Ish-nën kryetari i Bashkisë së Kukësit, Granit Gjana është vënë zyrtarisht nën akuzë nga SPAK-u për veprën shkelje të barazisë në tenderë. Hetuesit kanë zbuluar se Gjana ka konsumuar këtë vepër penale në dy raste.
Një nga tenderat ka të bëjë më një kallëzim me 22 Maj nga Florian Cungu. Ky i fundit është administrator i shoqërisë që humbi tenderët me vlerë 21 milionë lekë, pasi Bashkia Kukës nuk i dha dokumentet.
SPAK thotë se Gjana e ka penguar garuesin “Ufo Cengu” sh.p.k, në mënyrë të padrejtë, duke mos lëshuar dokumentin bashkiak, mungesa e të cilit solli skualfikimin nga dy procedurat e tenderit të karburanti.