ITALI- Tre persona janë arrestuar në Perugia të Italisë, pasi dy prej tyre akuzohen se kanë përdhunuar një vajzë 19-vjeçare. Mediat italiane shkruajnë se kanë qenë shqiptarët 69 dhe 34-vjeç, të cilët kanë kryer aktin. Mësohet se ngjarja ka ndodhur pas përfundimit të një mbrëmjeje, ku vajza ishte duke kërkuar një taksi për të shkuar në shtëpi teksa i është afruar pranë 69-vjeçarit, i cili i dha kontaktin e një taksie.
Me pretendimin se nuk e kishte telefonin me vete, ai e bindi vajzën që ta ndiqte deri në shtëpi. Pasi ka hyrë në banesë, e reja ka vënë re praninë e tre personave, mes të cilëve edhe 34-vjeçari. Ky i fundit së bashku me bashkëpunëtorin e tij kanë abuzuar seksualisht me të renë.
Po ashtu vajza ka deklaruar se është detyruar edhe të përdorë kokainë. Pas dhunës ajo shkoi në spitalin e Perugias ku pas ekzaminimeve u rekomandua që të qëndrojë në spital për 20 ditë. Në banesën ku dyshohet se ka ndodhur ngjarja, policia ka gjetur kokainë dhe hashash.