Sinan Idrizi, Administratori i Flamurtari foli në emisionin “Gol pas Goli” të Vilma Mashës në “Supersport” pas humbjes në shtëpi ndaj Kukësit, në vend të trajnerit Ilir Daja, nga ku deklaroi:
Pse asnjë komunikim nga trajneri?
Stafi teknik mendon se është e panevojshme të flasim për futboll. Sido që të jetë, përgëzoj Kukësin për fitoren e merituar.
Pse ky reagim?
U kujtua se ndoshta u harrua furia anti-Vlorë, por janë rikujtuar. Duhet më respekt për njerëzit që investojnë në futboll. As më shumë, aq më tepër. Nuk e mendoj gjykimin, dua vetëm respekt.
Mund të jeni më i qartë?
Unë nuk komentoj futbollin, por nuk më vjen mirë kur shikoj reagimin e tifozëve tanë. Nuk dua të jetë një arenë cubash stadiumi. Zotërinjtë që organizojnë futbollin, i lutem të mos e degradojnë futbollin.
Me Kukësin apo organizatorët e keni?
Siç mbajmë ne përgjegjësi për atë që ndodh në stadiumin e Vlorës, edhe ata që duhet të mbajnë përgjegjësi për atë që ndodh në fushë.