Në muajin shkurt u bë publik lajmin se modelja shqiptare Adrola Dushi ishte zhvendosur të jetonte në Kosovë pasi kishte nisur një lidhje të re dashurie me politikanin dhe biznesmenin Albin Gashi.
Kujtojmë që pak kohë më parë, e pyetur nëse është në një lidhje dashurie me një djalë nga Kosova, modelja zgjodhi t’i përgjigjej në mënyrë diplomatike, duke thënë: “Po kontribuoj në bashkimin kombëtar mes Kosovës dhe Shqipërisë”.
Por duket se kësaj historie mes dy të rinjve i ka ardhur fundi. Burime pranë kësaj dysheje bëjnë me dije se çifti është ndarë prej pak kohësh. Pasi pushoi në Shqipëri, Adrola është kthyer sërish në SHBA ku vijon me karrierën e saj si modele. Nga ana tjetër edhe Albini vijon me punët e tij në Prishtinë, duke hedhur pas krahëve këtë histori.
Madje ata e kanë fshirë njëri-tjetrin edhe nga rrjetet sociale.
