Vedat Muriqi është kthyer në futbollistin më të përfolur të momentit duke qenë se sulmuesi i Kosovës po kalon një formë fantastike. Sulmuesi shtatlartë, ishte protagonist me Kosovën në ndeshjet e fundit dhe të njëjtën formë, e ka edhe në kampionat me Ferenbahçen.
Gazeta turke “Fanatik”, raporton se për Muriqin ka shfaqur interes së fundmi edhe gjigandi anglez, Mançester Junajtid. Klubi anglez ka dërguar skautë në ndeshjen mes Anglisë dhe Kosovës, aty ku Muriqi shënoi dhe asistoi e duket se skautët do ta ndjekin edhe në Turqi.
Bëhet fjalë për Kristo Kilibarda i cili është një nga skautët e Mançester Junajtidit për zonën e Lindjes dhe të hënën ai do të jetë në stadium për ndeshjen mes Fenerbahçes dhe Alaniasporit. Skauti do të përgatisë një raport për futbollistin dhe do ta nisë në drejtim të Ole Gunar Solskjaer e më pas do të vendoset për të. “Djajtë e kuq” do të tentojnë që të sigurojnë shërbimet e Muriqit që në merkaton e janarit.