Një aksident i rëndë ka ndodhur pasditen e sotme në kryqëzimin e rrugës “5 Maji” në Tiranë.
Në aksident janë përfshirë dy automjete, ku njëri prej tyre është përmbysur.Dyshohet se ka persona të lënduar, ndërsa në automjetin e përmbysur kishte edhe fëmijë.
Tiranë/Informacion paraprak
Më 01.06.2020, reth orës 14:10, tek kryqëzimi i rrugës “5 Maj”, është përplasur mjeti me drejtues shtetasin E.T., me mjetin me drejtues shtetasin G.D.
Si pasojë e përplasjes është demtuar drejtuesi i mjetit shtetasi G.D., dhe dy fëmijët e tij të mitur 10 dhe 5 vjeç, të cilët ndodhen në spital, jashtë rrezikut për jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.