Aksident në aksin Korçë-Kapshticë/ Autobusi me pasagjerë përplaset me “Range Roverin”

Një aksident është regjistruar pasditen e kësaj të diele në Korçë. Ngjarja ka ndodhur në aksin Korçë-Kapshticë, pranë kryqëzimit të “Plasës”.Sipas të dhënave paraprake, thuhet se autobusi i linjës Korçë-Greqi, është përplasur me një automjet “Range Rover’. Fatmirësisht nga kjo ngjarje nuk raportohet për persona të lënduar, përveç dëmeve financiare. Mësohet se në vendin e ngjarjes ka shkuar policia për të hedhur dritë mbi shkaqet e aksidentit. Dy drejtuesit e mjeteve janë marrë në pyetje nga hetuesit.