Një 23-vjeçar ka humbur jetën mesditën e të premtes pasi është përplasur për vdekje nga një makinë. Sipas informacionit paraprak, i riu ka qenë duke kaluar rrugën në aksin rrugor Memaliaj -Krahës.
NJOFTIMI
Memaliaj/ Informacion paraprak.
Në rrugën nacionale Memaliaj-Krahës, në afërsi të fshatit Toç, automjeti me drejtues shtetasin K. M., 65 vjeç, banues në Gjirokastër ka goditur këmbësorin E. C., rreth 23 vjeç, banues në fshatin Anëvjos, Memaliaj.
Për pasojë ka humbur jetën shtetasi E. C.
Drejtuesi i automjetit shtetasi K. M., është shoqëruar për në ambjentet e DVP Gjirokastër.
Në vendngjarje shkoi grupi hetimor dhe po punon për zbardhjen e plotë të ngjarjes.