Nisur nga shtimi i aksidenteve, Policia Rrugore ka bërë “kërdinë” në juglindje, ku ka shtuar patrullat dhe masat ndaj drejtuesve të mjeteve.
15 drejtues mjetesh janë arrestuar brenda një jave, të cilët kanë qenë nën ndikimin e pijeve alkoolike dhe po ashtu pa leje drejtimi. Rreth 20 mjete janë bllokuar, përfshirë këtu makina dhe motorra pa dokumentacionin e duhur.
Përsa i përket gjobave, numri i tyre brenda një jave ka arritur në 1100. Gjatë këtij muaji, fatmirësisht ka patur vetëm 3 aksidente me të lënduar, ndërsa kontrollet janë shtrirë përgjatë gjithë qarkut, duke vendosur edhe radar në akset nacionale.