Një 18-vjeçar ka humbur jetën tragjikisht pak pas mesnate në aksin rrugor Fier-Lushnje. Mësohet se viktima është nga Hysgjokaj i Lushnjes, Klodian Sharka.
Një mjet tip Benz drejtuar nga kushëriri i viktimës është përpasur me një tjetër mjet të drejtuar nga një 31-vjeçar, edhe ky gjithashtu kushëri i tyre e më pas me një mjet “Jaguar” drejtuar nga një 33-vjeçar nga Kopliku.
Policia ka nisur hetimet për zbardhjen e shkaqeve të aksidentit.
NJOFTIMI I POLICISE
Informacion paraprak
Sot pas mesnate në aksin rrugor Fier-Lushnje, në vendin e quajtur “Kryqëzimi i Shoferit” automjeti tip “Benz” me drejtues shtetasin M.Sh, 22 vjeç, banues në Hysgjokaj, Lushnje, është përplasur me automjetin tip “Benz” me drejtues shtetasin B.Sh, 31 vjeç, banues në Hysgjokaj, Lushnje dhe më pas është përplasur edhe me automjetin tip “Jaguar” me drejtues shtetasin G.Q, 33 vjeç, banues në Koplik.
Si pasojë e përplasjes ka humbur jetën në vend shtetasi K.Sh, 18 vjeç, banues në Hysgjokaj, Lushnje.(pasagjerë në automjetin tip “Benz” që drejtohej nga shtetasi M.Sh).
Gjithashtu dëmtime kanë marë edhe dy drejtuesit e automjeteve, shtetasit M.Sh dhe G.Q të cilët ndodhen në Spitalin e Lushnjes nën kujdesin e mjekëve.
Grupi hetimor po punon për zbardhjen e plotë të ngjarjes.
