Të gjithë e njohim si aktore, e cila ka bërë për vete publikun shqiptar me tipin e batutat e saj spontane.
Mirëpo, Anna Lika do t’i futet tashmë edhe moderimit, siç ka treguar në intervistën e fundit për “ABC e pasdites”.
Gjatë intervistës në studio, aktorja rrëfeu gjithashtu planet e të ardhmes dhe më i afërmi përfshinte emisionin e saj të ri, i cili do të titullohet “Gladiator”.
Anna rrëfeu se kur iu prezantua ky emision, ishte befasuar dhe kishte imagjinuar veten e saj mes duartrokitjeve, gjithashtu edhe lojrat apo transformimet që personazhet publike do të kenë.
“Në çdo puntatë do të jenë katër të ftuar, personazhe të famshëm të cilët në “Gladiator” do t’i shikoni në një mënyrë ndryshe. Është projektuar që gjithë emisioni të jetë në stilin gladiator, edhe te ftuarit, unë bashkë me Enisin që drejtojmë programin, do të jemi të veshur në këtë stil. Aty do zhvillohet një garë e vërtetë dhe çdo garë në fund ka një shpërblim në para”.- ka rrëfyer Anna.
