Burime diplomatike për mediat në vend bëjnë të ditur se i dërguari i posaçëm i SHBA-ve në Ballkan Mathew Palmer ka pasur një telefonatë me kreun e shtetit Ilir Meta.
Lajmi është dhënë nga A2CNN, sipas të cilit Ambasada amerikane e ka konfirmuar këtë telefonatë, ndërsa tema e bisedës nuk dihet ende. Presidenti Meta prej ditësh tashmë akuzon diplomatët e huaj për zbatimin e reformës në drejtësi, por ndërkohë është krijuar një ngërç për emërimet në Gjykatën Kushtetuese.
Lexo edhe- Ambasada amerikane reagon për Kushtetuesen: Çojeni në Komisionin e Venecias
Paraditen e sotme përsa i përket çështjes së Gjykatës Kushtetuese vetë ambasada e SHBA-së përmes një deklarate kërkoi që çështja të çohej në Komisionin e Venecias, ndërkohë që si kundërpërgjigje, Presidenca përmes këshilltarit për mediat të Metës tha se Vetëm rruga e Kushtetutës na çon në Europën e Bashkuar!
Lexo edhe- Zëdhënësi i Presidentit reagon ndaj ambasadës së SHBA
