Të dielën luhet finalja e shumëpritur e Botërorit.
Franca dhe Argjentina do të sfidojnë njëra-tjetrën për yllin e tretë në fanellë, pasi secila ka dy trofe të fituar.
Mirëpo, në kampin francez ka shpërthyer një virus që mund të komprometojë planet e tyre për finalen. Në gjysmëfinale ndaj Marokut, dy titullarët Upamecano dhe Rabiot munguan për shkak të një sindrome virale. Pas gjysmëfinales edhe sulmuesi Coman u prek nga i ashtuquajturi “gripi i devesë”.
Teksa jemi vetëm dy ditë larg finales së madhe, lajmet e këqija shtohen akoma më shumë. Titullarët e ndeshjes me Marokun, Varane dhe Konate janë infektuar gjithashtu nga ky virus dhe mbetet të shihet se si do të jetë gjendja e tyre.