Deputeti i Partisë Demokratike, Oerd Bylykbashi ka reaguar pas lajmit të publikuar në media se Enkelejd Alibeaj e caktoi anëtar të Komisionit të Reformës Zgjedhore.
Bylykbashi deklaroi se këtë përzgjedhje e mori vesh nga mediat, dhe se nuk është njoftuar në rrugë zyrtare.
“E mora vesh nga mediat që jam caktuar anëtar. Edhe kur me hoqi Basha nga Zgjedhorja, nga mediat e mora vesh”, tha Bylykbashi për “BalkanWeb”.
Bylykbashi është anëtar i Komisionit të Rithemelimit, dhe propozimi i tij si anëtar i një Komisioni është cilësuar si provokim. Mirëpo, Alibeaj u shpreh më herët se nuk është provokim, me argumentin se emrat e përzgjedhur janë në bazë të aftësisë dhe eksperiencës.