U dhunua keq nga Taulant Sinani dhe përfundoi në spital.
Kështu i ka ndodhur shtetases greke Evra Ventouri e cila bashkëjetonte me djalin matjan prej një viti.
Ajo udhëtonte herë pas herë nga Athina drejt Suçit dhe jetonte në harmoni me Sinanin.
Por një ditë më parë ajo është rrahur keq nga bashkëjetuesi dhe pak orë pasi ka pësuar lëndime në pjesë të ndryshme të trupit ka arritur të njoftojë vëllain. Për t’i treguar se po i rrezikohet jeta, Ventouri ka mundur t’i dërgojë vëllait një foto me hematomat që kishte në trup.
Vëllai i Eva Venturos ka njoftuar menjëherë ambasadën greke në Tiranë dhe ka kërkuar ndërhyrje të shpejtë për ta shpëtuar motrën nga kthetrat e dhunuesit.
Policia e Matit fillimisht ka shoqëruar Sinanin dhe pastaj ka marrë në pyetje 25-vjeçaren greke. Ajo e ka pasur të pamundur t’u përgjigjet oficerëve gjyqësorë pasi ka konsumuar sasi të mëdha medikamentesh, duke tentuar të vetflijohet.
E dhunuara është dërguar me urgjencë drejt spitalit të Traumës Tiranë, në gjendje kritike, ndërsa bashkëjetuesi Taulant Sinani është arrestuar në kushtet e flagrancës.
Policia lokale po heton shkaqet e ngjarjes së rëndë dhe po punon për zbardhjen e saj.