Pas thuajse 5 muajsh kemi sërish mundësinë të shijojmë kombëtaren tonë në fushë. Shqipëria rikthehet sot në një ndeshje në transfertë ndaj Andorrës, e para në eliminatoret e Botërorit të vitit të ardhshëm në Katar.
Kuqezinjtë janë favoritë në këtë betejë, por Andorra është një skuadër, që kërkon kujdes maksimal sepse në të shkuarën na ka krijuar probleme, duke na marrë pikë të rëndësishme. Në vitin 2019 na barazuan me shifrat 2-2 në “Elbasan Arena”.