Në një intervistë për BBC, aktorja Angelina Jolie diskutoi një sërë çështjesh duke nisur nga mediat sociale e deri tek politika në Shtetet e Bashkuara, e aty bëri dhe pohimin e fortë: “Nuk e di nëse jam e prerë për politikë, por në fund të fundit nuk kam përse të mos e provoj.”
“Nëse do të më kishit pyetur 20 vjet më parë, do të qeshja, por tani them se do të shkoj aty ku nevojitem”, është shprehur ajo.
“Jam në gjendje të punoj me qeveritë, jam në gjendje të punoj me ushtritë, pra jam në një pozicion mjaft interesant për të qenë në gjendje që të bëj shumë gjëra”, u shpreh Jolie.
E pyetur nëse mund të ishte në listën e 30 apo 40 demokratëve që do të konkurrojnë për nominimin presidencial, ajo nuk tha “JO”, por u përgjigj vetëm me një “Faleminderit”.