Marrëveshja për blerjen e Casemiros nga Reali i Madridit u arrit dhe prek shifrën e 70 milionë eurove në total, kurse Manchester United nuk po ia del në lidhje me Antony.
Kampionët e Holandës kanë refuzuar ofertën. Drejtuesit e Ajaksit nuk kanë ndërmend të shesin lojtarin e kombëtares braziliane (9 ndeshje dhe 2 gola me pesë herë kampionët e botës).
Merkato e United vijon të jetë e fokusuar në Eredivisie. Tani po synohet Cody Gakpo, i cili ka dalë nga akademia e PSV-së. 23-vjeçari luan si sulmues i majtë dhe këtë sezon e ka nisur në mënyrë fantastike.
3 gola deri tani ka shënuar lojtari holandez, autor i shtatë ndeshjeve dhe dy golave me kombëtaren tulipane. Nga një sulmues i djathtë në një të majtë, kjo tregon se drejtuesit e United nuk kanë një plan të qartë sa i përket merkatos.