Mungesa e kreut të Partisë Socialiste dhe njëherësh kryeministrit Edi Rama në takimin e PS u vu re nga të gjithë, por përmes një postimi në Twitter ai ka bërë të ditur edhe arsyen e kësaj mungese.
Rama thotë se e ka nisur ditën me grupin e punës për Ligjin Special kundër krimit të organizuar dhe masat kundër KÇK (Kap Ç’të Kapësh). Ai bën të ditu se kjo furtunë do të nisë brenda nëntorit.
“Kur dal përditë pse del përditë pse del përditë, kur s’dal ca ditë çfarë ka që s’del përditë, historia e vjetër hip se të vrava zbrit se të vrava 😁 Sot e kam nisur ditën me grupin e punës për Ligjin Special kundër krimit të organizuar+masat kundër KÇK që po finalizohen në letër 👍 Brenda nëntorit fillon furtuna mbi foletë e krimit dhe korbat e KÇK 👊”, shkruan Rama.
Ndërkohë në një postim të dytë ai bën të ditur se është nisur për në Ohër, ku siç u lajmërua në Novisad do të mbahet takimi i radhës mes Vuçic, Zaev dhe tij. Por ai thotë se janë të ftuar të gjithë vendet e Ballkanit Perëndimor dhe partnerët europianë të nismave rajonale.
“Tani për Ohër ku nisin sot takimet për marrëveshjet e bashkëpunimit rajonal dhe nesër bëhet mbledhja e radhës ku janë ftuar të gjitha vendet e Ballkanit Perëndimor + partnerët europianë të nismave rajonale🤝”, shkruan Rama.
