Prej dy javësh punonjësit e Autoritetit Rrugor Shqiptar nuk kanë marrë pagat. Jo vetëm kaq, por edhe kompanitë ndaj të cilave ky institucion ka detyrime kontraktuale nuk kanë marrë lekët për punët e kryera. Kjo ka shkaktuar një zinxhir vonesash në shlyerjen e detyrimeve duke bërë që edhe punonjësit e këtyre kompanive private të kenë problemeve në marrjen e pagës në kohë.
Burime për tirananews.al bëjnë me dije se ARRSH e ka nisur vitin me borxhe, duke akumuluar edhe detyrime të prapambetura.
Në muajin shtator Fondi Monetar Ndërkombëtar zbuloi se ishin 24.5 mln usd detyrime kryesisht për rrugë dhe rimbursim të TVSH-SË. Stafi i FMN i kërkoi autoriteteve që të adresojnë vonesat e qeverisë në shlyerjen e detyrimeve.
“Parandalimi dhe kontrolli i detyrimeve të prapambetura kërkon forcimin e parashikimit të të ardhurave (duke përfshirë rimbursimet e TVSH-së), menaxhimin e likuiditetit, dhe përmirësimin e kontrolleve të angazhimeve për investimet veçanërisht nga Autoriteti Rrugor”, thuhet ne raportin e FMN-se.
Në raport me vitin 2016 detyrimet e prapambetura thuajse janë dyfishuar nga 13 miliardë lekë në 24.5 miliardë lekë. / tirananews.al
