Temperaturat e ulëta, nën zero kanë sjellë ngrica dhe reshje bore. Problematike janë kryesisht zonat e veriore dhe të Korçës. Por ARRSH bën thirrje që të tregohet kujdes në këto 4 akse. “Kukës-Krum, Ura e Zapodit-Shishtavec, Bogë-Theth, Korçë-Dardhë”.
Njoftimi
Temperaturat janë ulur ndjeshëm në të githë vendin por kryesisht në zonat malore ku kanë arritur deri në -4 °C.
Gjatë natës ka vazhduar puna me shpërndarjen e kripës në akset Kukës-Krum, Ura e Zapodit-Shishtavec, Bogë-Theth, Korçë-Dardhë për të evituar ngricat.
Tregoni kujdes të shtuar gjatë drejtimit të mjetit në kohë me reshje, pajisuni me goma dimërore dhe zinxhirë kur udhëtoni për në zonat malore, ulni shpejtësinë, respektoni sinjalistikën dhe udhëzimet e Policisë Rrugore.