Sonte në mbrëmje do të luhet derbi në Londër. Arsenal dhe Chelsea masin forcat në duelin e dytë mes tyre, një përballje që vjen në momentin jo të mirë për dy ekipet.
Arsenal synon të mbaj hapin e Manchester City-t në garën për titull, dhe një fitore e mundshme do shërbente për të parakaluar në renditje pikërisht skuadrën e Pep Guardiolës. “Blutë e londrës” duan që të rikthehen tek fitorja dhe të hedhin pas krahëve një ecuri zhgënjyese. Të dy skuadrat po kalojnë një ngërç në këtë pikë të sezonit.
Arsenal ka koleksionuar 4 pikë, një fitore dhe një barazim, ndërsa Chelsea nuk fiton në 6 sfidat e fundit ku ka koleksionuar vetëm dy pikë. Një sezon tepër negativ për skuadrën e milionave të merkatos së janarit që është totalisht jashtë çdo objektivi këtë sezon, duke dështuar për të arritur të ngre trofe.