Drejt përfundimit asfaltimi i 18 rrugëve rurale që Bashkia Mat kishte planifikuar vitin e kaluar. Për herë të parë kjo bashki arriti të bashkonte fondet e saj me ato të buxhetit të shtetit dhe donatorëve për të asfaltuar rrugët që ajo administron.
Kryetari i Bashkisë Altin Bojni tha një një postim se sapo përfundoi segmenti rrugor Shesh Ferrë-Rukaj, një investim ky i rëndësishëm për banorët e fshatrave të kësaj njësie vendore.
Postimi i Kryetarit të Bashkisë Mat:
Përfundon asfaltimi i segmenti rrugor Shesh Ferrë-Rukaj. Një investim i rëndësishëm për përmirësimin e infrastrukturës rrugore dhe lehtësimin e lëvizjes për banorët e kësaj zone. Ky investim rrit sigurinë në qarkullim, përmirëson lidhjen mes zonave dhe kontribuon drejtpërdrejt në zhvillimin ekonomik e social të komunitetit.
