Aureola Gaçe është një nga artistet më energjike dhe shpërthyese të skenës shqiptare.
Aq fuqi sa ka në zërin e saj, aq ka edhe në fizikun e saj dhe për këtë Aurela di si të kujdeset.
Në një video të postuar në “Instagram”, këngëtarja shkruan:
“Duke pritur 47-vjetorin (nesër dmth). Të kujdesesh për shëndetin tënd fizik, shpirtëror, psikologjik është dashuri jo vetëm për veten, aq më shumë dashuri shpërndajnë, aq më shumë japim në familje, në shoqëri.
Unë të paktën kështu e shoh, e kështu veproj”, shkruan Aurela.
Së fundmi, Aurela Gaçe ka publikuar projektin në bashkëpunim me Sinen, S.F.L, i cili ka risjellë tek publiku Dr. Florin, i ndarë nga jeta në moshën 35 vjeçare, projekt që është pritur mjaft mirë nga fansat.
Këngëtarja rrëfeu se kjo ka qenë një rastësi mjaft e bukur pasi ka qenë duke kontrolluar disa foldera në një kompjuter që ishte prishur prej muajsh ku dhe gjeti të regjistruar zërin e Florit.
“Jam mpirë totalisht kur e kam dëgjuar. Nuk e besoja. E dëgjova prapë. Thashë me patjetër që do të bëjmë diçka”, tha ajo, duke shtuar se kanë marrë lejen e familjarëve të Florit.
“Jemi treguar shumë të kujdesshëm në gjithçka, i kemi menduar me detaje dhe kështu erdhi kënga e re”, thanë dy këngëtarët.