Mazhoranca propozon shtyrjen edhe me 3 muaj afatin për Komisionin e Posaçëm për Reformën Zgjedhore. Por shtyrja me tre muaj e datës së zgjedhjeve, do të thotë edhe një konfirmim në heshtje I shtyrjes së datës së zgjedhjeve. Burime nga tirananews.al bëjnë me dije se një datë e tillë vjen si rezultat për tí dhënë edhe opozitës mundësinë që të bëhet pjesë e ndryshimeve në kodin elektoral. Data e zgjedhjeve është lënë më 30 qershor, ndërsa afati i Komisionit i përfundon javën e parë të korrikut.
Pra në një kohë që PS tenton t’i bëjë presion PD dhe LSI se nuk do të tërhiqet nga zgjedhjet, indirekt e pranon tërheqjen. A mos ndoshta Rama po shikon mundësinë e një marrëveshjeje të re me PD për të shtyrë datën e zgjedhjeve ?
Gjithsesi, edhe nëse Kodi nuk ndryshon, PS mund të futet në zgjedhje dhe me Kodin e vjetër, por fakti që shtyhet afati i këtij komisioni me 3 muaj, lë të kuptohet se ka një mundësi edhe për shtyrjen e zgjedhjeve.
Ndërkaq, seanca parlamentare e radhës do të jetë të mërkurën. Kështu ka vendosur mazhoranca duke caktuar orën 10:00 për nisjen e seancës, çka do të thotë se në të njëjtën kohë do të kemi edhe protestë të opozitës para parlamentit.
Po kështu PS do të propozojë Damian Gjiknurin si bashkëkryetar të komisionit të reformës zgjedhore, duke zëvendësuar në këtë post Blerina Gjylametin. Ndërkaq mazhoranca do i kërkojë deputetëve të opozitës të bëhen pjesë e komisionit të posaçëm të reformës zgjedhore. / tirananews.al