Cristiano Panucci, ish-trajneri i kombëtares shqiptare deri pak kohë më parë ka folur për “Gazetta dello Sport”, në prag të sfidës mes Juventusit dhe Milanit. Ai ka shprehur mbështetjen e tij për trajnerin e kuqezinjve, Genaro Gattuso, lidhur me situatën tek Milan, e mes fjalëve ka folur dhe për autokritikë.
“Po bën atë që duhet për të arritur të paktën në vendin e 4, megjithatë po rrezikon pak. Lacio dhe Atalanta janë aty dhe të afta për të përfituar. Edhe shoqëria e më pas skuadra rriten pak nga pak dhe nëse arrin në Champions atëherë mund të mendosh për të investuar më shumë. Skuadrat e mëdha dinë si të vendosin me një anë euforinë apo zhgënjimin, Gattuso e di këtë dhe nuk do t’i lejojë të dorëzohen. Besoj se Milani do ia dalë të kualifikohet. Me skemën 4-3-2-1, Gattuso ka dashur të testojë mënyrë tjetër loje të ekipit të tij. Piatek në 30 metrat e fundit ndihet si në shtëpinë e tij, por sulmuesit janë si titujt në bursë, lëvizin sipas rendimentit”, tha Panucci.
Më pas vjen dhe autokritika: “Unë, Gattuso, të gjithë në trajnerët e rinj duhet të bëjmë autokritikë, të rritemi, të njihemi me ndryshimet e reja. Gattuso ka folur si lojtar që mendon për t’u përmisuar çdo ditë”.