Presidenti Bajram Begaj, ka reaguar pas lajmeve që kanë qarkulluar se po pengon me pajisjen me pasaportë shqiptare të disa prej lojtarëve të Kombëtares.
Begaj ka hedhur poshtë pretendimet e bëra nga disa media duke sqaruar si qëndron e vërteta.
REAGIMI
Sqarim lidhur me proceduren ligjore për dhënien e shtetësisë shqiptare për disa anëtarë të ekipit kombëtar të futbollit, U-21.
Procedurat për marrjen e shtetësisë bëhen konform ligjit nr. 113/2020 , “Për shtetësinë” (neni 9, “Rastet e veçanta të shtetësisë shqiptare”), si dhe Vendimit të Këshillit të Ministrave, nr. 205, datë, 06.04.2022 “Për përcaktimin e kritereve të procedurave të aplikimit të rregullave të kryerjes së verifikimeve dhe kontrolleve të nevojshme për fitimin e shtetësisë shqiptare për kontribut të veçantë në fushën e arsimit, shkencës dhe sportit” , i ndryshuar 01. 08. 2023.
Me dekret të Presidentit të Republikës, nr. 190 dt 14.08.2023, është miratuar dhënia e shtetësisë shqiptare për 8 futbollistë. Ndërkohë, për tre prej tyre, nuk është miratuar dhënia e shtetësisë shqiptare, për shkak se aplikimet e tyre u paraqitën në Institucionin e Presidentit të Republikës, në datën 30 gusht 2023.