Drejtuesja politike e PS për qarkun Fier, zv.kryeministrja Belinda Balluku tregoi objektivin që ka në këtë qark për 11 majin. Ajo tha se PS do të marrë 10 mandate deputetësh.
“E gjithë Shqipëria do të votojë për PS, Fieri, Patosi, Divjaka. Çdo shqiptar, nuk ka më bukur se kur mblidhemi të gjithë bashkë për të çuar këtë vend përpara si vetëm Edi Rama di. Po kërkojmë një mandat të katërt, duket si shumë për ata që hedhin çdo ditë baltë mbi ne.
Ky është mandati i shqiptarëve për një marrëveshje që Rama ka nënshkruar me shqiptarët për të dërguar Shqipërinë në BE. Fieri ka një objektiv, 10 mandate deputetësh për t’i ulur në sallën e Parlamentit.
Sot priten 11 mandate nga siç më tha shoku Gramoz sot në mëngjes, nëse do të jemi të gjithë bashkë me Edi Ramën në krye nuk ka asgjë që na ndal”,-tha Balluku.