Barcelona rikthehet të fitojë dhe këtë e bën në një transfertë shumë të vështirë, atë të Madridit kundër Atleticos në një ndeshje shumë të vështirë. Në “Wanda Metropolitano” vendosi një gol i Dembele në pjesën e parë.
Sulmuesi francez i katalanasve, i shërbyer nga Gavi nuk gaboi duke kaluar në avantazh skuadrën “blaugrana” që arriti ta ruante këtë avantazh deri në fundin e ndeshjes. Takim i luftuar nga të dyja skuadrat ndërsa Cholo Simeone del me “kocka të thyera” nga kjo ndeshje pasi Atletico e dominoi në pjesën më të madhe këtë ndeshje dhe minimalisht do ta kishte merituar një gol.
Aksion spektakolar në sekondat e fundit teksa Griezmann u ndal nga Araujo me shumë fat. Barcelona shkëputet me 3 pikë nga Reali i Madridit duke shfrytëzuar edhe humbjen e ”Los Blancos” në fushën e Villarreal, ndërsa “Los Colchoneros” zbresin në vendin e 5 me 27 pikë, plot 14 më pak se skuadra e Xavit.