Pasi Barcelona ka vendosur të shesë për 3 vite emrin e stadiumit “Kamp Nou”, një miliarder i famshëm ka dalë si kandidat serioz për të fituar konkursin e çelur nga klubi katalanas. Biznesmeni në fushën e kanabidiolëve (CBD), nënprodukteve të “kanabis sativës”, Alki Dejvid bashkëpunon në këtë fushë me ish-boksierin legjendar Majk Tajson. Në mediat britanike, ai renditet si pretendenti për të sponsorizuar klubin e Barcelonës.
Ai u shpreh se ndihet i gatshëm për të sponsorizuar së bashku me Barcelonën.
“Është një mundësi që po e shikoj prej kohësh. Është një moment historik për sportin dhe përshtatet shumë mirë me planet e mia”, rrëfen miliarderi Dejvid, i cili zotëron një pasuri rreth 3 miliardë eurosh.
Nga sezoni i ardhshëm, Barcelona do të lejojë që në emrin e stadiumit “Kamp Nou” të vendoset dhe emri i sponsorit të ri. Kjo iniciatëve do të zgjasë për 3 vite, ku Barcelona synon të shumëfishojë të ardhurat dhe të tejkalojë krizën financiare të shkaktuar prej koronavirusit./ Pamoramasport/