Barcelona rrezikon pjesëmarrjen në Ligën e Kampioneve.
Ngritja e padisë nga ana e Zyrës së Prokurorisë Publike së bashku me akuzat e ngritura kundër klubit blaugrana vë në rrezik shanset për t’u paraqitur në kompeticionin më të rëndësishëm europian në sezonet e ardhshme.
Prokurorët spanjollë kanë depozituar një ankesë kundër Barcelonës dhe dy prej ish-Presidentëve të klubit në lidhje me pagesat e dyshuara ndaj një kompanie në pronësi të një zyrtari të lartë të arbitrave për të ndikuar në rezultatet e ndeshjeve.
Kur gjykata spanjolle të pranojë procedimin e padisë, UEFA mund të vendosë që reputacioni i Ligës së Kampioneve mund të dëmtohet nga prania e ekipit katalanas.
Neni 4 i kompeticonit nuk lë pikë dyshimi. Ky nen vihet në zbatim për të mbrojtur shpirtin e kësaj loje dhe në veçanti, vlerat që UEFA synon të vendosë për të siguruar një garë të denjë.
UEFA rezervon të drejtën që të mos të pranojë klube që, pasi kanë fituar të drejtën e pjesëmarrjes së tyre në garat europiane, nuk i plotësojnë të gjitha kushtet e përcaktuara në Nenin 4.
Sipas gazetës spanjolle sportive “Marca”, ditë më parë, UEFA kërkoi informacion mbi hetimin dhe çfarë pretendonjnë hetuesit.
Kjo ka bërë të bien këmbanat e alarmit në Nion dhe Camp Nou.