Pas një pauze të gjatë, nesër rikthehen në punë deputetët. Kreu i grupit parlamentar të PD-së, Gazment Bardhi ka shpërndarë një mesazh për deputetët në prag të seancës së nesërme plenare në Kuvend.
Bardhi ka nënvizuar rëndësinë e kësaj seance, duke e konsideruar një moment për të denoncuar atë që ai e quan ‘farsa elektorale e 11 Majit’.
”Nesër ora 12:00 është seanca plenare e Kuvendit, në të cilën do të marrim pjesë dhe do të bëjmë gjithçka për të paraqitur faktet e plota për farsën elektorale të 11 Majit. Ju përshëndes”,-shkruan Bardhi në mesazhin drejtuar kolegëve të tij në grupin parlamentar.