Menjëherë pas postimit të Ramës në rrjetet sociale i është përgjigjur sërish në rrjetet sociale kreu i PD-së, Lulzim Basha.
Ai thotë se njerëzit janë të lodhur me justifikimet e kryeministrit dhe se ai duhet të pranojë përgjegjësinë. “Fakti është, Europa të ka refuzuar. Ti ke dështuar”, shkruan Basha.
POSTIMI I BASHES NE TWITTER
Mjaft me shfajësime personale dhe fajësimin e të tjerëve z. Rama. Të gjithë janë lodhur me justifikimet e tua për dështimet e tua, gjithmonë duke mbrojtur veten, kurrë popullin tënd, asnjëherë gati të pranosh përgjegjësinë tënde. Fakti është, Europa të ka refuzuar.Ti ke dështuar.
Kujt do t’ja hedhësh fajin për dështimin me shëndetësinë?Për ekonominë e shkatërruar?Kujt do t’ja hedhësh fajin për qeverinë tënde të korruptuar? Ka ardhur koha të pranosh përgjegjësitë për dështimet e tua.Është mbushur kupa. Europa të ka refuzuar, dhe shqiptarët do të refuzojnë.

