Kreu i PD-së Lulzim Basha i habiti gazetarët në konferencën e sotme për shtyp kur përmendi se mbase deputetët e opozitës duhet të tregoheshin më ”kopilë” për të parë deformimin total tëReformës në Drejtësi nga Partia Socialiste dhe të reagonin më pas me vonesë.

Kryedemokrati e kaloi me humor këtë siklet për t’u shprehur duke thënë se paralajmërimet e PD-së për deformimin e Reformës në Drejtësi dhe djegies se mandateve rezultuan të drejta.

”Ky është momenti për të thënë që vendime tona kanë qenë të drejta. Maksimumi që mund të na akuzoni është se kemi qenë të parakohshëm. Duhet të kishim qenë më politikë, më falni se është pak fjalë e rëndë, më vetëshërbyes, më kopilë. Duhet të kishim pritur që situata të bëhej më keq dhe të thoshim ‘jam ju paralajmëruam”’, u shpreh Basha.