Kreu i Partisë Demokratike duket se nuk ka pritshmëri të mëdha nga takimi i tij në Mat. Dje gjatë një takimi në Vorë, ai argumentoi se ka zgjedhur që bashkëbisedimin me qytetarët ta bëjë në një ambient të hapur, sepse nuk ka sallë që mund t’i mbajë.
“Më lejoni ta nis për pritjen e jashtëzakonshme me një falenderim. Dje shpresa vërshoi në Durrës, para dy ditë në Berat qytetarët e mbushur me shpresë u vendosën në krahun tonë. Sot nga ky shesh! Takimin e sotëm e kishim planifikuar në një shesh, por nuk ka sallë që ju merr juve”, u shpreh Basha.
Po në Mat, e cila është një bastion i djathtë, pse ka zgjedhur këtë sallë të mbyllur? Duket se Basha e pranon humbjen në këtë Bashki.