Myslim Murrizi ka zënë vendin e kryetarit të Kuvendit Gramoz Ruçi, pasi ky i fundit do të merrte në dorëzim raportin e progresit nga ambasadori i BE-së, Luigi Soreca. Por nuk kanë munguar batutat gjatë drejtimit të seancës nga ana e tij.
“Eshte hera e pare qe drejtoj seancën, ndaj po bej një lëshim, po te lejoj një replike dy minuta”, i tha deputetit të opozitës Ralf Gjoni, i cili kërkoi replikë me kreun e grupit parlamentar socialist, Taulant Balla.
Balla në fjalën e tij akuzoi opozitën që është jashtë Parlamentit, dhe konkretisht ish kreun e komisionit të Integrimit Genc Pollo se shan vendin e tij në anglisht në çdo e-mail të BE-së. Por Gjoni mes batutave ka kërkuar të nisë bashkëpunimi me opozitën që është në Kuvend.
Lexo edhe- Myslym Murrizi i zë vendin Gramoz Ruçit, merr drejtimin e seancës plenare
“Iku ish opozita, iku, jemi ne keti. Boll u more me Pollon, na keni këtu. Vendet u plotësuan. Ne morëm vendet tona, çfarë prisni, hajde pra e ndryshojmë sistemin zgjedhor. Apo prisni ndonjë Whatsapp? Ta ndryshojmë sistemin me lista të mbyllura. Ju po bëni vetëm inflacion fjalësh, vijoni merreni me opozitën në rrugë”,- tha ai. duke shtuar, “Zgjohuni, kemi forcën e ndryshimeve kushtetuese këtu. Zgjohuni t’i futemi punës e të ndryshojmë sistemin zgjedhor”.