Bayern Munchen është skuadra e parë që siguroi matematikisht kalimin për ne fazën tjetër të botërorit të klubeve. Kampionët e Gjermanisë mposhtën 2-1 Boca Juniors në një ndeshje shumë të bukur e me shumë raste.
Fitore të rëndësishme në grupin C mori dhe Benfica që shënoi 6 gola në portën e modestëve të Auckland City. Me katër pikë, Benfica mban vendin e dytë pas Bayern dhe kualifikimi do të vendoset në ndeshjet e treta.
Fitoren e dytë në këtë botëror e shijoi dhe skuadra e Flamengos që mundi me përmbysje Chelsea-n duke prekur gjithashtu kualifikimin për më tej. Edhe pse blutë e Londrës kaluan të parët në avantazh me golin e Pedro Netos, brazilianët shëmuan tre herë me anë të Bruno Henrique, Danilo e Wallace Yan.
Pasditen e kësaj të shtune do të jetë radha e Dortmund dhe Inter për të zbritur në fushë. Në orën 18:00 verdhezinjët do të përballen me Mamelodi Sundowns, ndërkohë në orën 21:00 Inter do matë forcat me Urawa Reds. Në mesnatë Fluminese do të ndeshet me Ulsan, ndërsa mëngjesin e së dielës, në orën 03:00 do të jetë sfida mes River Plate dhe Monterrey.