Bayern Munich nuk e pati të vështirë në udhëtim, aty ku mposhti 1-6 vendasit e Holstein Kiel. Djemtë e Company e nisën furishëm ndeshjen duke shënuar tre herë në 13 minuta.
Musiala, Kanë dhe autogoli i Remberg u dha siguri bavarezëve, që shënuan edhe golin e katërt në pjesën e parë sërish me Kane. Fraksioni i dytë solli edhe golin e Olise për miqtë, që i dhanë kështu një “shuplakë” të hidhur debutuesve të Holstein.
Vendasit shënuan golin e ‘flamurit’ me Gigovic në të 82 minutë. Në fund kishte kohë edhe për golin e gjashtë të miqve, me Kane që plotësoi tripletën me penallti. Tre fitore në kaq ndeshje për Bayern Munich, që merr kreun e Bundesligës.
Në “PreZero Arena”, Hoffenheimi vendas u mund 1-4 nga kampionët në fuqi të Bayer Leverkusen. “Aspirianat” kaluan dy herë në epëri me Terrier dhe Boniface, ndërsa Granit Xhaka dhuroi një asist fenomenal në golin e dytë. Medon Berisha shkurtoi për vendasit, para se Uirtz dhe sërish Boniface në pjesën e dytë të shënonin edhe dy gola të tjerë për miqtë.