Federico Chiesa është padyshim talenti më i madh italian. 21 vjeçari, kartonin e të cilit e zotëron Fiorentina ka shpërthyer në dy sezonet e fundit te vjolët, duke ngjallur interesin e shumë klubeve të mëdha Evropiane.
PSG, Juventus, Milan, inter, Barcelona, Manchester United dhe Chelsea janë vetëm disa nga “bigët” që kanë kërkuar shërbimet e Chiesa, ndërkohë që deklarata e bërë nga Gigi Buffon tregon më shumë rreth cilësive të tij.
Numri 1 i PSG-së ka zbuluar ndjenjën që e përshkroi kur u përball me Federicon, djali i shokut të tij, Enricos.
“Kjo ishte hera e parë që luaja kundër djalit të një shokut tim. Kur luaja kundër Federikos, mendova të largohesha. Fillimisht isha i stepur por më pas mendova se po më vinte koha “.-tregon Gianluigi.
Kartoni i Chiesa vlerësohet në rreth 50 milion euro, por Fiorentina kërkon jo më pak se 80 milion për ta lënë të lirë.