Juristi Kreshnik Spahiu, thotë se Sali Berisha politikisht vepron me dy standarde pas humbjes që pësoi në zgjedhjet parlamentare më 11 Maj. Teksa ka qenë ai që dikur i kërkonte dorëheqjen Bashës për humbjen, vetë bën të kundërtën duke pretenduar farsë elektorale.
Për të nëse kreu i PD-së hyn në Parlament në shtator, do të thotë se bën lojën e Ramës, pasi e legjitimon atë si pushtet dhe fitues të zgjedhjeve, edhe pse prej dy muajsh thotë se nuk e njeh rezultatin e 11 majit.
”Nëse Berisha do pranojë mandatin e deputetit, nëse do të hyjë në Parlament, nëse do pranojë të jetë krah Ramës në Kuvend dhe do e njohë Kuvendin në shtator, kjo do të thotë se ai do jetë në krah të Ramës, do e legjitimojë këtë pushtet. Pra, do bëjë hapur lojën e Ramës”,-tha në ”Report TV”.