Ish-Kryeministri Sali Berisha deklaroi nga Pogradeci se takimet që po zhvillon në kuadrin e Foltores janë më pro amerikanet dhe më pro europianet se çdo takim tjetër.
Ai ka ftuar dhe kryeministrin Rama në një debat publik.
“Ne nuk shantazhohemi, por po mbrojmë vlerat konservatore. Edvin je i pashpresë, Foltorja të ka kallur datën. Të garantoj se me Sali Berishën do të bashkohen të gjithë ata që i besojnë dinjitetit njerëzor, të gjithë ata që jetojnë me djersën e ballit, të gjithë ata që konsiderojnë mafien një rrezik kombëtar. Edvin të ftoj në një debat televiziv dhe të të numëroj të gjitha krimet e këtyre 8 viteve dhe mbathja në Beograd se aty të presin krahëhapur”, tha Berisha.