Ish-kryeministri Sali Berisha ka bërë një deklaratë të fortë kundër kryedemokratit Lulzim Basha. Në një intervistë, Berisha tha se është lajm i mirë që Partia Demokratike nuk e mori drejtimin e qeverisë në zgjedhjet parlamentare të 25 prillit, duke e akuzuar Bashën si një person që nuk e respekton ligjin.
“Ishte fati i madh për Shqipërinë që Partia Demokratike nuk i fitoi zgjedhjet. Ky njeri tregon se nuk respekton asnjë parim. Një njeri i lig nuk kryen krim gjithë jetën. Në një moment e bën. Deputetët e panë ku është elektorati dhe nuk bëjnë gjë tjetër se kërkojnë të jenë elektoratin. Ky dëshmon se po të ishte kryeministër nuk do njihte ligj, rregull, moral e asgjë. Po ti je opozitë more zotëri!,”- tha Berisha ndër të tjera në fjalën e tij.
Kjo është hera e parë që Berisha shprehet kundër fitores së PD në zgjedhjet e shkuara parlamentare, që u zhvilluan vetëm pak muaj më parë, ku fitues më shumicë doli kryeministri Edi Rama.