Puna e bërë nga trajneri Sylvinho dhe stafi i tij, atmosfera që ka krijuar në skuadër, mënyra e tij e komunikimit me lojtarët, duket se ka ushqyer në maksimum angazhimin e futbollistëve për dy ndeshjet e radhës. Lojtarët duken në formë, e tregojnë këtë kapitenët, Berisha dhe Hysaj.
Etrit Berisha: Kemi ardhur me motiv shumë të lartë dhe besoj që do kemi sukses.
Elseid Hysaj: Shyqyr ndeshjen e fundit e luajta. Jam duke u kthyer në formë dhe gati për ndeshjet e forta që kemi tani.
Shpresohet tek suksesi, si me Çekinë, ashtu edhe me Poloninë.
Ernest Muçi: Ndihem shumë mirë dhe shpresoj të arrij të ndihmoj ekipin sa më mirë që fitojmë ose të japim rezultate të mira në këto 2 ndeshje. Ne do të japim maksimumin tonë që të arrijmë objektivin tonë që të jemi pjesë e Europianit 2024.
Thomas Strakosha: Ishalla bëjmë ndeshje siç duhet se na duhen 3 pikë.
Lojtarët me eksperiencë shprehin madje bindjen.
Odise Roshi: Çdo gjë është Ok, jemi takuar sot me çunat, i shkoj shumë të karikuar. Nga ndjesia ime shpirtërore jam i sigurtë që do të shkojmë në Europianin 2024.