Gjykata Kushtetuese do të mblidhet këtë të premte për të shqyrtuar ankimin e kreut të Partisë Demokratike, Sali Berisha, lidhur me masën e sigurisë “arrest shtëpie” të vendosur një vit më parë nga Gjykata e Posaçme.
Raportohet se Kushtetuesja pritet të dalë me vendim ditën e sotme. Lideri i opozitës kërkon që të shpallet antikushtetuese masa e SPAK, e lënë në fuqi edhe nga dy shkallët e gjyqësorit.
Berisha ankimoi fillimisht në Kushtetuese masat e SPAK për bllokim pasaporte dhe detyrimin e paraqitjes.
Berisha nuk i zbatoi fillisht duke argumentuar se drejtësia duhet të kishte marrë miratimin nga Kuvendi, për të vijuar më pas procedurat.
Gjykata Kushtetuese në seancën e 21 nëntorit 2024, deklaroi se sa i takon vendimit për të dalë jashtë vendit ai është jo proporcional dhe u rrëzua, ndërsa sa i takon masës detyrim paraqitje, Kushtetuesja arsyetoi se drejtësia mund të veprojë pa marrë konfirmimin.
Sali Berisha qëndroi në arrest shtëpie për 333 ditë.
Ndërkohë, Apeli i Posaçëm me vendimin e datës 3 janar 2025 riktheu masën detyrim paraqitje për Berishën.