Pas mbarimit të seancës plenare ku foli presidenti ukrainas Volodymyr Zelenskyy, ish-kryeministri Sali Berisha ka dhënë një prononcim për gazetarët në oborrin e Kuvendit, ku kërkoi ndërprerje të marrëdhënieve diplomatike me Rusinë. Berisha bëri thirrje që të largohet ambasadori rus në Shqipëridhe të tëriqet ai shqiptar nga Moska.
Mes të tjerash, ish-kryeministri kërkoi edhe anulim të vizave për çdo qytetar rus që kërkon të hyjë në Shqipëri.
“Ka qenë një vendim absurd shpallja dhe ftesa e Ramës për turistët rusë në Shqipëri, imagjinoni, vrasës, përdhunues, kainër, pasi kryejnë masakra të vijnë dhe të dynden në plazhet tona për të marrë veten, kjo ishte fyese e rëndë për shqiptarët dhe ju që e ndoqët fjalën e Zelensky kjo ishte dhe një kërkesë e tij.
Kërkoj me urgjencë të anulohen vizat për çdo qytetar rus që kërkon të hyjë në Shqipëri, së dyti, kërkoj largimin e ambasadorit rus nga Tirana dhe tërheqjen e ambasadorit shqiptar nga Moska, zvogëlimin në maksimum të të gjitha marrëdhënieve politike dhe diplomatike”, tha Berisha.