Në zgjedhjet e ardhshme parlamentare që pritet të mbahen në vitin 2025, Sali Berisha thotë se do të futen pa diskutim me koalicion. Gjatë fjalës së tij në konferencë e përjavshme me gazetarët, Berisha shprehet se PD-ja në zgjedhje do të ketë logon që i takon.
”Ne në zgjedhje do futemi pa diskutim me koalicion, por PD do ketë logon që i takon asaj. Ne po ecim, do e mbajë Gjykata e Lartë në mënyrë antiligjore, antikushtetuese, pastaj ne do shkojmë në Strasburg dhe atje kam besim te drejtësia evropiane dhe do fitojmë kauzën tonë të drejtë”,-tha Berisha.
I pyetur nga gazetarët nëse protestat dhe greva e urisë janë një opsion i opozitës, Berisha tha se, po është një opsion sikurse edhe është përmendur.